📌مساء الخير يا شباب.. بخصوص التاسك للأسبوع الأول:

1- دراسة 5 منافسين في تخصصك (التنانين) 🔥

⌛المدة المتوقعة للتنفيذ: 30-60 دقيقة

 

لأن دي هي المهارة الأهم زي ما اتشرح ليكم في الويبنار عشان قاعدة:

“Standing on the Shoulders of GIANTS”

قف على أكتاف العظماء وتعلم واستلهم منهم.. ودي الخطوات: 

١- تروح على www.upwork.com

٢- تروح على البحث وتكتب التخصص بتاعك 

٣- تختار الـ 5 فلاتر دول من على الشمال 

– ✅ Top Rated

– ✅ Top Rated Plus

– Hourly rate: +20$ per hour

– Freelancer type: Freelancers (not agencies)

– Earned Amount: +10K$

أو تروح على اللينك دا وتشيل كلمة Designer وتضيف التايتل أو التخصص بتاعك:

https://www.upwork.com/nx/search/talent/?hourly_rate=20-%2a&nbs=1&pt=independent&q=Designer&revenue=10000&top_rated_plus=yes&top_rated_status=top_rated

هتختار 10 في نفس تخصصك انت شايفهم تنانين وادرسهم تفصيلاً.. ازاي؟ هتروح على القالب المفرغ دا على وورد وتفرغ بيانات كل منافس بنفس الطريقة وخد وقتك في تحليل إيجابيات وسلبيات كل واحد منهم ✅

 

2- تحديد الـ MVP: Minimal Viable Product 🛴

⌛المدة المتوقعة للتنفيذ: 20-30 دقيقة

 محتاج تحدد الـ MVP المناسب ليك كفريلانسر بمعنى تحديد أصغر وأسرع 3 خدمات تقدر تقدمهم حالاً لو العميل منتظرك برا الباب دلوقتي! ⚡

 

بحيث تبدأ بتقديم الخدمات دي كخدمات مصغرة Gigs بـ 5$ ومضاعفاتها (10، 15، 20) وتكتسب عملاء تبني البروفايل بالتقييمات وثقة كذلك ثم تعرض الخدمات الأكثر دقة وتفصيلاً بعدين..

 

📌 طيب هعرف أحددهم ازاي؟

على حسب التراك بتاعك هتروح على اللينك وتشوف الخدمات المعروضة وأسعارها والخدمات الأكثر مبيعاً بتقييماتها وايه المميز فيها وتحدد الـ 2 أو 3 خدمات اللي تقدر تقدمهم في أسرع وقت ✅

1- Digital Arts Track:

https://khamsat.com/designing

https://www.upwork.com/services/design

 

2- Digital Marketing:

https://khamsat.com/marketing

https://www.upwork.com/services/marketing

 

3- Web Development:

https://khamsat.com/programming

https://www.upwork.com/services/development-it/development

 

4- Data Analysis:

https://khamsat.com/data

https://www.upwork.com/services/data-analysis-reports

 

5- Generative AI:

https://khamsat.com/ai-services

https://www.upwork.com/services/search?nbs=1&q=Generative%20ai

 

6- Software Testing:

https://khamsat.com/programming/beta-testing

 

https://www.upwork.com/services/qa 

3- تحديد المزايا التنافسية اللي عندك 🌟

⌛المدة المتوقعة للتنفيذ: 30-40 دقيقة

 

USPs: Unique Selling Points

وهي الحاجات المميزة اللي مش عند زميلك اللي بينافسك في نفس تخصصك إجابةً لسؤال “ليه عميل يختارك انت مش فلان ولا علان؟” وكتابة:

– أقوى 3 مهارات شخصية ناعمة

– وأقوى 5 مهارات تكنيكال أو وظيفية عندك

عشان هتستخدمها في التسويق لنفسك بعدين وفي كتابة البروبوزال وفي كتابة وصف البروفايل على أبورك وعلى لينكدإن وأكتر من نقطة تانية بعنوان Why Me?

 

*** ملاحظة: المزايا التنافسية ما ينفعش تكون شائعة Generic أو متكررة زي الدقة والسرعة والالتزام والإبداع والكلام الكليشيه إنما مميزات حقيقية شخصية أو مهنية..

 

 مثلاً حد عنده خلفية في البيزنس أو الماركتنج أو خلفية دراسية أو أكاديمية في الكلية بتساعده في تخصصه الحالي أو عنده القيادة أو الإقناع والتواصل والتفاوض وهكذا..

 

📌 طيب لو مش قادر أحدد؟ دي أسئلة تسهل عليك إجابة سؤال ليه أختارك أنت بالذات؟ مش زميلك:

– ايه أكتر 3 حاجات تكنيكال أنت شاطر فيهم؟

– ايه أكتر نقط لما حد زميلك بيحتاج مساعدة بيسألك فيهم؟

– ايه أكتر انجازات انت فخور بيها ليها علاقة بالكارير؟

– ايه أكتر جزء ركزت عليه في التعليم وفهمته وهضمته كويس؟

– ايه أكتر جزء أو مرحلة طبقت عليها عملي في الكورسات؟

– لما جيت تعمل أول مشروع ليك (شخصي مش شرط مع عميل) ايه أكتر نقط تميزت ليها؟

– لما بتسأل زمايلك ايه اللي انت مميز فيه ايه ال ٣ نقط المتكررة؟

– ايه أكتر مهارات شخصية انت مميز فيها؟ مثلاً القيادة، التواصل، الإقناع، حل المشاكل، الاستماع، التنسيق…إلخ

– ازاي خلفيتك الدراسية (الأكاديمية) ساعدتك في مجالك الحالي حتى لو الاتنين مش مترابطين ببعض؟

– لو انت بتعمل شيفت كارير ازاي خلفيتك المهنية في الشغل اللي فات فرقت معاك حالياً؟

 

والهدف أنه تحدد نقط فعلاً انت مميز فيها حتى لو كان التميز ده من خلال الجمع بين خلفيات أو مهارات مختلفة أو تشكيلة مهارات بتستخدمها مع بعض وهكذا 🎯

 

وبس كدا.. التاسكات كلها تخلص في ساعة أو ساعتين بالكتير لكن كل ما أخدت وقت تفصيلي أكتر كل ما كان أفضل لأنه هتبني عليها في مستقبلك كفريلانسر بإذن الله 🚀

وبالتوفيق 💙